வல்வை விளையாட்டுக்கழகம் தனது வைரவிழாவினை முன்னிட்டும்மறைந்த வீரர்கள் ஞாபகார்த்தமாகவும் நடாத்தும் 9 நபர் கொண்டமாபெரும் வடமாகாண ரீதியிலான உதைபந்தாட்டபோட்டியொன்றினை நடாத்தி வருகின்றது..அந்த வகையில் லீக்ஆட்டங்களானது 31//05/2022 அன்று ஆரம்பிக்கப்பட்டு நடைபெற்று வருகின்றன.
அந்தவகையில் இன்றைய தினம் (09 /06/2022) இடம்பெற்ற லீக் சுற்று ஆட்டமொன்றில் யாழ்மாவட்டத்தின் பலம் பொருந்தியஅணிகளான வதிரி பொம்மேர்ஸ் (வட) விளையாட்டுக்கழகத்தினை எதிர்த்து கொற்றாவத்தை றேஞ்சஸ் (வட) விளையாட்டுக்கழகம் மோதியது. பரபரப்புக்கு பஞ்சமில்லாத இந்த ஆட்டத்தில் கொற்றாவத்தை றேஞ்சஸ் விளையாட்டுக்கழகமானது 4: 1 என்ற கோல்கணக்கில் வெற்றிபெற்று லீக் சுற்றின் இரண்டாவது வெற்றியினை பதிவு செய்தது.கொற்றாவத்தை றேஞ்சஸ் அணிசார்பாக ஆர்த்திகன் 3 கோல்களினையும் , மாதுஜன் ஒரு கோலினையும்பெற்றுக்கொடுத்தனர். வதிரி பொம்மேர்ஸ் அணிசார்பாகபெறப்பட்ட ஒரு கோலினையும் விஷ்ணுயன் பெற்றுக்கொடுத்தார். போட்டியின் ஆட்டநாயகனாக கொற்றாவத்தை றேஞ்சஸ் அணியின் முன்கள வீரர் ஆர்த்திகன் தெரிவு செய்யப்பட்டு பதக்கம் அணிவித்து கௌரவிக்கப்பட்டார்.
வெற்றி பெற்ற கொற்றாவத்தை றேஞ்சர்ஸ் அணிக்கு வாழ்த்துக்களையும் பாராட்டுக்களையும் தெரிவித்துக்கொள்வதோடுபோட்டியில் சிறப்பாக செயற்பட்ட வதிரி பொம்மேர்ஸ் அணிக்கும் எமது வாழ்த்துக்களையும் பாராட்டுக்களையும்தெரிவித்துக்கொள்கின்றோம்.
